Барај
Внесете го овде зборот кој што го барате.
Новости
Ненад Миловановиќ - дел од тимот на EOS Solutions Asia
19.04.2011
Никогаш не било постигнато ништо големо без ентузијазам... Ненад Миловановиќ, тим лидер во ЕОЅ Матрих Македонија, следејќи го својот ентузијазам е на добар пат да постигне нешто навистина големо. Својата професионална кариера во наредните две години ќе ја гради во интернационални рамки како дел од тимот на EOS Solutions Asia, во Хонг Конг, Република Кина. Миловановиќ во Кина оди на позицијата Operation & Risk Manager. Целиот тим на ЕОЅ Матрих, му посакува многу среќа во понатамошната кариера.
Луѓето ја прават разликата меѓу компаниите
02.02.2011
"Сметам дека сите тактики кои се употребуваат за унапредување на човечките потенцијали се стратешки најдобрите тактики. Луѓето се хумани битија и секој пристап во управувањето со нив мора да биде двонасочен. Од една страна се потребите и визиите на компанијата, а од друга страна се потребите и очекувањата на луѓето. Ефикасното управување со луѓето се остварува преку тактики и методи кои ќе успеат корпоративните цели и визии да ги претворат во личен и професионален предизвик на вработените."
Ова е дел од интервјуто на Марина Сивакова Тасков, Раководител на одделот за човечки ресурси во ЕОЅ Матрих, објавено во најновиот број на дневниот весник Капитал. Интервјуто во целост можете да го прочитате на...
МАКЕДОНИЈА НЕ ОДБИВА ДОБРИ БИЗНИС КОНЦЕПТИ
28.01.2011
Издржаноста на бизнис моделот е во основата на успехот на ЕОЅ Матрих. Македонската економија е многу години зад светските трендови, така што не треба ништо посебно да се измислува, туку е многу лесно да се идентификувате на истата фаза од развојот што правеле развиените економии и истиот тип и вид производи и услуги, преку стратешко партнерство, да ги донесете на македонскиот пазар. Пазарот е тежок за пробивање, но никогаш не одбил добар деловен концепт... ова е дел од интервјуто на Стојче Тасков за тековниот број на неделникот Капитал.
Интервјуто во целост можете да го прочитате на линкот подолу:
Финансиските извештаи - клучна алатка за добро одлучување
21.01.2011
Финансиските извештаи покриваат временска рамка низ која ги поврзуваат податоците со цел да создадат визија кај врвниот менаџмент за тоа која е позицијата на деловниот субјект денес и утре. Токму преку ова се изразува и суштинската карактеристика која ја носи со себе оваа алатка, правејќи ја квалитетна подлога за донесување одлуки... истакна Катерина Бошевска, Финансов директор на ЕОЅ Матрих, во најновиот број на неделникот Капитал.
Марина Сивакова Тасков - HR Менаџер на годината
27.12.2010
Во организација на магазинот за човечки ресурси Global HR кое во Македонија постои веќе две години, годинава за прв пат беа доделени Global HR Awards 2010 во категориите најдобар Менаџер за човечки ресурси, најдобар оддел за човечки ресурси, како и најдобра компанија што вложува во своите вработени и развојот на човечкиот капитал во Македонија.
Во категоријата Менаџер за човечки ресурси наградата ја понесе Марина Сивакова Тасков од EOS Матрих, која оваа награда ја доби во конкуренција 35 менаџери за човечки ресурси од вкупно 50 компании учесници.
Весна Димовска, специјалист за човечки ресурси и главен и одговорен уредник на магазинот Global HR нагласи дека номинацијата цела година била поставена на нивната веб-страница www.globalhr.mk каде што сите вработени можеле да ги номинираат своите менаџери, компании и своите оддели за човечки ресурси. Димовска истакна: “Врз база на пристигнатите номинации се направи селекција во секоја категорија, a првиот и најважен критериум кој го земавме предвид при изборот беше номинацијата од страна на вработените во компанијата”. Таа додаде дека стручно жири, составено од искусни менаџери за човечки ресурси и советници за кариера, ги наградило најдобрите врз основа на покажани резултати во 2010 година.
Марина Сивакова Тасков на свечениот чин на доделување на наградата изјави: “Оваа награда за мене претставува големо признание пред сѐ како млад човек и голем мотив и поттик да бидам уште подобра во иднина. Исто така, се надевам дека доделувањето на оваа награда ќе прерасне во традиција”.
Овој настан беше проследен од сите позначајни медиуми во земјата, а нивните прилози ќе можете да ги погледнете на:
http://www.time.mk/read/b789a6600c/9f6dcec750/index.html
http://www.idividi.com.mk/Biznis/MakBiznis/651086/index.html
Инвеститори ќе има кога ќе се создадат услови да се заработат пари
14.12.2010
Во интервјуто за дневниот весник Бизнис, Стојче Тасков, Регионален директор на ЕОЅ за Источна Европа меѓу другото изјави: "Погрешно е да се мисли, да се надева и очекува дека некој ќе дојде да прави факторинг во Македонија за да им помогне на македонските компании да го намалат ризикот во работењето, да направат поголем профит или да имаат сто насто ликвидност. Факторингот нема да се развие само и единствено затоа што им е потребен на македонските компании..."
Бизнис лига
19.10.2010
На 18 oктомври во 19:00 часот во спортскиот центар Борис Трајковски (мала сала) официјално започна Бизнис лигата во мал фудбал.
Во присуство на 17-те екипи (учеснички во шампионатот) и голем број на пишани и електронски медиуми беше промовиран претстојниот шампионат на Бизнис лигата која за прв пат се организира во Македонија како и учесниците во неа. Како што нагласија организаторите, целта на овој настан е пред сѐ добра забава, рекреација, како и воспоставување нови бизнис контакти.
Учесници во оваа лига покрај екипата на ЕОЅ Матрих се и екипите на: Македонски Телеком; ONE; VIP; Sparkasse Bank; Diners Club International; Семос; ЕЛЕМ; ЕВН Македонија; Сава Табак; Техномаркет/ Samsung; Еколог; Спорт М; ВеВе Груп; Алкалоид; Неуромедика и Securicom.
ЕОЅ Матрих првиот натпревар ќе го одигра во четрток на 21.10.2010 во 20.00 часот, во малата сала на спортскиот центар Борис Трајковски, против тимот на Sparkasse Bank.
За повеќе информации околу целиот настан, како и бодовната табела посетете ја интернет страницата на Бизнис лигата www.biznisliga.org
Зачленување на ЕОЅ Maтрих во EБA
01.10.2010
Од 1 Октомври 2010 ЕОЅ Матрих стана член на Европската Бизнис Асоцијација (ЕБА) во Македонија. Со тоа се здоби со право да учествува во сите активности на асоцијацијата, како и да ги користи сите нејзини услуги.
Главни активности на ЕБА се лобирање и претставување на интересите на членовите на сите владини нивоа, како и пред организациите и институциите на ЕУ; соработка со ЕУ и Владата на Македонија во врска со Договорот за стабилизација и асоцијација; организирање различни деловни настани во земјата и ЕУ. Лоби услугите, јавните кампањи, развивањето деловни односи, како и други услуги на ЕБА ќе бидат од големо значење на ЕОЅ Матрих.
Веб семинар во соработка со Harvard Business Review
23.09.2010
Во организација на Harvard Business Review, на ден 23.09.2010 во просториите на ЕОЅ Матрих Македонија, како нивен член, се одржа Веб семинар на тема Како до успешна компанија, преку интензивна примена на аналитиката во одлучувањето. Во рамки на семинарот меѓу другото беа посочени петте нивоа за развој на аналитичките можности во една компанија. Беше нагласено дека информациите и одлучувањето врз основа на претходно спроведени детални анализи се едни од најважните предуслови за успех и развој на компанијата.
Истражувањата покажале дека компании со развиени аналитички одделенија, се многу поуспешни од компании кои истите ги немаат, односно ги имаат но во недоволно развиена форма. Семинарот линковски го водеа господинот Tom Davenport, Професор по Информациони Технологии и Менаџмент на Babson College и госпоѓа Jeanne Harris, Извршен член на универзитетскиот одбор за истражување на Институтот Accenture.
Новиот ЕОЅ Journal на 01 септември 2010
25.08.2010
Идеи за управување: Креативноста на вработените може да даде значаен придонес кон успехот на компанијата – прашајте ги и нив... Од животот: Задоволството од водата за пиење...
Посета на Министерот за странски инвестиции на ЕОЅ Матрих
14.06.2010
Министерот за странски инвестиции на Република Македонија, Господинот Веле Самак, денес оствари посета на ЕОЅ Матрих Македонија. Министерот беше пречекан од Регионалниот директор Стојче Тасков, заменик Генералниот директор Ана Николовска и Регионалниот ИТ директор Бранислав Бајловски. На средбата, Министерот изрази интерес за промовирање на контакт центарот на ЕОЅ Матрих како поддршка во делот на обезбедување контакт-центар услуги за кои одредени странски компании пројавиле интерес. За ваквата иницијатива на Министерот, највисокото раководство на компанијата даде генерална согласност.
Новиот ЕОЅ Journal на 01 јуни 2010
01.06.2010
Финансиска заштита: Сѐ поважен системот за предвремено предупредување кај кредитните договори... Пријатен начин на живот: Лето во Баварската престолнина Минхен...
Стојче Тасков именуван за Регионален Директор за Македонија, Србија, Хрватска, Словенија и Босна и Херцеговина
30.04.20010
Во насока на поддршка на организациониот раст и овозможување на понатамошен оптимален развој на Групацијата ЕОЅ, моделот на “Регионални Менаџери” во делот на Источна Европа веќе ја докажа својата вредност. Како резултат на позитивното искуство, овој модел во наредните неколку години ќе се развива и во Западна Европа и Азија. Во иднина регионалните менаџери ќе бидат именувани во “Регионални Директори” и ќе ги поддржуваат и развиваат регионите во соработка со одговорниот Извршен директор од KG EOS Holding.
Како дел од овој модел, од 01 март 2010 година, за Регионален Директор за регионот на Македонија, Србија, Хрватска, Словенија и Босна и Херцеговина е именуван Стојче Тасков, Генерален директор на ЕОЅ Матрих Македонија.
Истовремено, досегашниот Оперативен директор на ЕОЅ Матрих Македонија М-р Ана Николовска е именувана и за Заменик генерален директор на ЕОЅ Матрих Македонија.
ЕОЅ Матрих сертифициран со ISO/IEC 20000
26.04.2010
Како резултат на успешност, посветеност и професионалност во работењето ЕОЅ Матрих Македонија се стекна со Сертификат за меѓународен стандард за управување со ИТ услуги ISO/IEC 20000. Овој сертификат е доказ дека ЕОЅ Матрих, водечката финансиска компанија во Македонија на полето на алтернативно финансирање, ги исполнува сите меѓународни услови со кои гарантира сигурност и севкупност на информaционите системи при обезбедувањето на финансиските услуги за Вас.
Следејќи ги современите трендови во ИТ индустријата, а со цел унапредување на квалитетот на ИТ услугите во рамките на финансиските услуги што Ви ги обезбедуваме, како и на ИТ услугите во рамките на интерното работно опкружување, ние во ЕОЅ Матрих го имплеметиравме ISO/IEC 20000 кој е еден од најценетите стандарди во ИТ индустријата.
ЕОЅ Матрих како носител на ISO/IEC 20000 сертификат на своите деловни партнери и клиенти им гарантира работење во согласност со меѓународно признатите искуства во ИТ технологијата, притоа осигурувајќи високо квалитетни финансиски услуги.